cs:coding haqida

Men, Nomonjonov Azizbek va ukam Ahror, ushbu loyihani yosh o‘zbek talabalariga onlayn tarzda dasturlashni o‘rgatish maqsadida boshladik. Bu platformada kim bo‘lishidan qat’i nazar — har qanday inson dasturlashni o‘rganib, o‘z orzulariga erishishi mumkin. Agar biz bunga erishgan bo‘lsak, demak boshqalar ham buni bemalol qila oladi.

Men, Azizbek, 2020-yildan beri texnologiya kompaniyalarida ishlab kelaman, 5+ yillik dasturlash tajribam bor. Janubiy Koreyada tahsil oldim, dasturlashni esa asosan o‘zim mustaqil o‘rgandim. Bu yo‘lda juda ko‘p vaqt yo‘qotdim, keraksiz narsalarni ham o‘rganishga majbur bo‘ldim. Yangi avlod esa bunday xatoga yo‘l qo‘ymasligi, balki bizning xatolarimizdan saboq olib, aniq yo‘l-yo‘riq bilan professional dasturchiga aylanishi uchun shu platformani yaratdik.

Biz ishonamizki, bu loyiha qimmat kurslarga vaqt va mablag‘ topa olmaydigan, ammo dasturlashni o‘rganib, o‘z maqsadlariga erishmoqchi bo‘lgan yoshlar uchun katta imkoniyat bo‘ladi. Bizning bepul resurslar orqali ular ham o‘qib, tajriba orttirib, moliyaviy erkinlikka erishishlari mumkin.

Biz yuzlab talabalarni o‘qitganmiz va samarali o‘rgatishning usullari va yo‘llarini yaxshi bilamiz. Shu sabab, yaqin yillarda butun mamlakat bo‘ylab dasturlashni o‘qitish uslubini o‘zgartirishga ishonamiz.